InicioSociedadeO Banco de Alimentos de Lugo, con reservas só para un mes

O Banco de Alimentos de Lugo, con reservas só para un mes

A organización mantense "á espera" da doazón de diñeiro que "o concello de Lugo dixo que ía dar para alimentos".

PUBLICADA O

- Advertisement -

O Banco de Alimentos de Lugo ten reservas para un mes, “ata mediados de setembro”, segundo alertou este luns a súa presidenta, Amadora Núñez.

Núñez recalca que supuxo un certo alivio “o que achegou o pobo de Lugo a través do Gadis, que foron sete toneladas de arroz; a Fundación Reina Sofía que achegou 22 toneladas de pasta ou a Xunta de Galicia, que entregou dez toneladas de aceite de girasol”. “Con iso vaise tirando”, afirmou.

A presidenta do Banco de Alimentos asumiu que “isto non dá para moito” e advirte de que “chegará ata mediados de setembro e iso porque había fondo de alimentos”. “Tamén xente de Lugo doou lentellas e azucre e grazas a Pepsi que nos trouxeron dous trailers de refrescos e outro de patacas fritas para os rapaces”, engadiu.

Amadora Núñez apuntou que o banco está “á espera de que o concello de Lugo doe o diñeiro que dixo que ía dar para alimentos”. “Estamos a esperar a que chegue”.

En canto ás familias que atenden, calcula máis de mil nas tres delegacións; a da cidade de Lugo, a da Mariña e a da zona sur en Monforte. Son tamén numerosas, máis de 50, as familias que se atopan illadas pola covid ás que tamén levan os alimentos ás súas casas.

“Nestes momentos moita xente falta, moita xente non pode desprazarse (aos almacéns do Banco de Alimentos) e non puideron vir desde hai dous martes porque hai moita xente illada”, indica Amadora Núñez.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...