InicioEconomíaPublicada a listaxe de axudas para a compra de libros de texto...

Publicada a listaxe de axudas para a compra de libros de texto no Concello de Lugo

O prazo de alegacións para as familias cuxa solicitude foi denegada estará aberto ata o 26 de agosto.

PUBLICADA O

- Advertisement -

O Concelleiro de Educación e Difusión do Coñecemento, Felipe Rivas, vén de anunciar a publicación das listaxes provisionais das axudas para a compra de libros de texto e material escolar para familias con baixos recursos.

“Por segundo ano consecutivo melloramos os tempos deste trámite, realizando todo o procedemento en 3 meses menos que anos anteriores para conseguir que as familias poidan desfrutar destas axudas nos primeiros días de curso“, afirmou Felipe Rivas, que engadiu que “desde a concellería de Educación nos esforzamos en facilitar ás familias, no menor prazo de tempo posible, esta axuda que serve para garantir o acceso ao material a moitas nenas e nenos”. 

A concellería de educación destina un total de 40.000 euros para facilitar a adquisición de material escolar, en vales de 100€ para un total de 400 persoas beneficiarias. O criterio único de baremación para a concesión da axuda é a renda per cápita anual da unidade familiar, de maneira que este ano queda establecido o tope en 6.326,88€, o 0.8 do IPREM. En total, este ano recibíronse 565 solicitudes, concedéndose as axudas a 338 nenas e nenos.

As listaxes provisionais poden consultarse no taboleiro de anuncios do concello, no 010 e na web municipal. O prazo de alegacións para as familias cuxa solicitude foi denegada estará aberto ata o 26 de agosto. Unha vez se valoren as alegacións, publicaranse as listaxes definitivas e realizarase a entrega dos vales.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...