A Policía Local de Lugo auxiliou a unha persoa de idade avanzada que transitaba desorientada pola cidade de Lugo cun mando de garaxe orientado cara aos edificios porque non lembraba o seu.
Segundo relatou a Policía Local, sobre as 15,40 horas do pasado día 15 de xullo unha patrulla da Unidade Territorial de Policía de Barrio detectou na Avenida das Fontiñas a unha persoa de idade avanzada que “transitaba desorientada, accionando un mando dun garaxe cara aos edificios”.
Esta persoa manifestou aos axentes municipais actuantes, indican as mesmas fontes policiais, que quería ir ao seu garaxe, pero non lembraba cal era o seu.
Por iso, os axentes trasladárono no vehículo patrulla ao seu domicilio, xa que rexeitou calquera tipo de asistencia, puntualizan as mesmas fontes, polo que foi entregado á súa familia, engaden.
