InicioEconomíaOs hostaleiros celebran poder abrir ata as 21:00h, pero piden que se...

Os hostaleiros celebran poder abrir ata as 21:00h, pero piden que se atrase o toque de queda

O presidente da Apehl, Cheché Real, lembrou que "a esta mesa fáltalle unha pata" porque os restaurantes seguen sen poder dar ceas.

PUBLICADA O

- Advertisement -

EFE | O presidente da Asociación Provincial de Empresarios de Hostalería e Turismo de Lugo (APEHL), Cheché Real, valorou que se permita a apertura dos locais ata as 21:00 horas, pero lembrou que “a esta mesa fáltalle unha pata”, porque os restaurantes non poden ofrecer ceas, co que están a perder unha parte moi importante da súa facturación.

En declaracións a EFE, Real afirmou que “toda apertura”, tanto a ampliación de horarios como “aumentar a porcentaxe de aforo” dos establecementos, “benvida sexa”, porque supón que os establecementos de hostalería dispoñen dunha maior capacidade “para traballar”.

Real¡ insiste na necesidade de que se amplíe o toque de queda ata as 23:00 horas e que se permita a apertura dos restaurantes ata esa hora. En todo caso, se o toque de queda se mantén ata as 22:00 horas, precisou que sempre existe a posibilidade de que se lle permita regresar a casa aos cidadáns ás 23:00 horas se presentan unha factura que demostre que estiveron ceando nun restaurante.

Ao seu xuízo, os datos en relación coa evolución da pandemia seguen sendo “moi bos”, polo que non ve motivos para que non se poida adoptar esta medida de alivio.  Lembrou que moitos restaurantes “cando máis traballan é pola noite, especialmente durante as fins de semana”.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...