- Advertisement -
Un veciño de Lugo permanece investigado pola Garda Civil por supostamente subtraer materiais metálicos valorados en 2.000 euros das obras da autovía A-52. Segundo informa o Instituto Armado este sábado, os feitos ocorreron entre o 29 de xaneiro e o 1 de febreiro deste ano, cando o investigado entrou nas instalacións dunha empresa de construción situada no lugar de Maroxo, en Arzúa, para levar efectos valorados en 2.000 euros.
A investigación iniciada tras a presentación da denuncia por parte dos propietarios da empresa derivou na identifiación do suposto autor dos feitos, ao que se imputa un delito de roubo con forza. Parte do material subtraído foi devolto ao seu lexítimo dono tras ser localizado.
