InicioSociedadeOs avogados de Lugo agardan que o novo xulgado do social solvente...

Os avogados de Lugo agardan que o novo xulgado do social solvente a “saturación” dos actuais

Destacan que en ocasións sinálanse xuízos para 2023.

PUBLICADA O

- Advertisement -

O presidente do Colexio de Avogados de Lugo, Félix Mondelo, celebrou este mércores que antes de fin de ano se vaia a contar en Lugo cun novo Xulgado do Social, que sería o cuarto, á vez que lamentou que os outros tres seguen “saturados” e nalgúns casos prodúcense “sinalamentos para os xuízos en 2023”.

“É unha cousa que levabamos reivindicando desde hai tempo e aí coincidiamos o presidente do TSXG, a Consellería de Presidencia, a alcaldesa de Lugo, así como nós que observabamos que se estaban dilatando moito o señalamientos para celebrar xuízo, nalgún caso ata 2023″, puntualizou.

Con ese novo xulgado confía que se rebaixe a carga de traballo das outras tres salas do Social. Mondelo precisou que nos procesos que se seguen “son preferentes os despedimentos, eses teñen un señalamiento preferente pero hai moitos asuntos como; pensións, pagos de atraso dalgunha cotización ou recoñecementos de invalidez que teñen unha gran importancia para os cidadáns e os empresarios”.

OUTRO XULGADO DE PRIMEIRA INSTANCIA

Ademais, o presidente do Colexio de Avogados de Lugo asegurou que se fai “imprescindible” outro “Xulgado de Primeira Instancia, porque o Mercantil está a lume de biqueira e vai estar máis”.

A isto sumou que “os sociais teñen excesivo traballo e a ver si co novo vaise amañando un pouco, pero os de primeira instancia hai algún que está atrancado e non por problemas de abundancia senón porque hai problemas de atención xurisdicional”. “Agora estamos cun reforzo no Xulgado de Primeira Instancia número 1, que está a atrasar sentenzas e tívose que recorrer a un xuíz de reforzo”, concluíu.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

Adxudicada as obras de acondicionamento e mellora da LU-710 que conecta a N-V coa A-6, en Baralla

A Consellería de Vivenda e Planificación de Infraestruturas adxudicou por 2.302.355 euros a execución...

Falece o empresario José Rouco tras saírse da vía co seu vehículo e chocar contra outros dous estacionados

O empresario José Rouco perdeu a vida tras saírse da vía co seu vehículo...