InicioSociedadeO centro social Uxío Novoneyra será renovado para "gañar máis espazos físicos"

O centro social Uxío Novoneyra será renovado para “gañar máis espazos físicos”

O Concello de Lugo anunciou a licitación das obras de reforma por 69.000 euros.

PUBLICADA O

- Advertisement -

A alcaldesa de Lugo, Lara Méndez, xunto coa concelleira de Benestar do Concello lucense, Olga López, anunciou este martes que a xunta de goberno local deste mércores aprobará a iniciación do proceso de licitación das obras de renovación do centro social Uxío Novoneyra por un importe de 69.000 euros.

A obra, desde a súa adxudicación, terá un prazo de execución de “un mes“, segundo anunciou a rexedora lucense. Para Lara Méndez os servizos sociais son “moi importantes” e a mellora prevista permitirá “ofrecer mellores servizos”. As obras de reforma do centro social lucense consistirán en “gañar en máis espazos físicos” para os usuarios e traballadores e buscar “medidas de aforro de enerxía” avanzando nunha “cidade máis verde”, como comentou a alcaldesa.

A segunda planta do edificio contará con “tres novos despachos” e unha “zona de reunión máis ampla”, sinalou, ademais dunha sala de lectura “máis grande” ocupando o sitio da antiga cafetaría do centro, segundo dixo Lara Méndez. Para a rexedora lucense “seguir mellorando as instalacións” fai que melloren “os servizos sociais”.

Mentres, para a concelleira de Benestar de Lugo, Olga López, esta é “unha mostra máis” do traballo do Concello “cos servizos sociais”. Os novos espazos para López “permitirán dar cabida a novos profesionais” que se incorporarán ao servizo para “dar aínda máis pulo” a este servizo.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...