O Concello de Lugo vén de anunciar que pechará “todos os accesos” do edificio O Garañón, situado ó pé do parque Rosalía de Castro, para impedir que volvan acceder a el. O edil de Urbanismo, Miguel Couto supervisou esta maña o peche do edificio recalcando que “resolvimos ordenar á propiedade que proceran de xeito inmediato para impedir que as persoas accedan de forma fácil ao interior, e evitar un uso non adecuado do edificio”.
Un grupo de operarios, selaron os accesos con chapa metálica, ladrillos e cemento, polo que dende esta semana o Garañon terá todos os seus accesos tapados para impedir que volvan a acceder persoas no seu interior. O goberno local requeriu á propietaria de tomar esta medida “lembrando que é responsabilidade do titular do inmoble garantir que non se poida acceder ao mesmo e debe de dispoñer de todos os medios ao seu alcance para alcanzar o obxectivo polo perigo inminente que a deterioración da edificación supón para a seguridade das persoas” explicaba Couto.
O edil quiso facer “un chamamento á cidadanía para que manteñan un comportamento exemplar, e en caso de incumprimento actuaranse conforme á legalidade, debendo asumir as responsabilidades” xa que, segundo apuntou, “o Concello non pode converterse no garante de que non se acceda ao edificio” pois o seu labor “limítase ao cumprimento da legalidade en canto ao peche e limpeza da parcela”.
