A Consellería de Sanidade informa de 37 casos activos na área de Lugo este venres 5 de xuño, o que supón un menos ca onte. Hai, en cambio, un lixeiro aumento nas hospitalizacións, ao pasar o HULA de acoller un só positivo en planta a atender agora a outro máis.

Pola súa parte, as Unidades de Coidados Intensivos seguen libres de pacientes con COVID-19. Hai, iso si, 35 persoas con positivo en coronavirus que están a ser atendidos nos seus domicilios.

Ata o día de hoxe, faleceron 28 cidadáns na provincia por mor da pandemia. Recuperáronse da enfermidade 888 persoas, segundo o Sergas.

GALICIA

Na comunidade galega, os positivos reducíronse a 563 (-6 respecto dos contabilizados onte). A área de Vigo segue á cabeza en total de casos activos e a de Pontevedra, á cola. En canto aos pacientes, hai unha persoa que permanece na UCI, 26 en unidades de hospitalización e 536 na casa.

O balance histórico dende o inicio da pandemia revela 618 falecementos e 10.178 curacións.