A Consellería de Sanidade contabiliza 627 casos activos por coronavirus na provincia de Lugo; é dicir, trece máis ca onte, cando había 614. Mantense o número de pacientes ingresados nas Unidades de Coidados Intensivos e redúcese lixeiramente a cifra de hospitalizacións en planta.
Así, sete persoas permanecen na Uci (2 na do Hospital Público da Mariña e 5 na do HULA), mentres que 26 doentes están a ser atendidos en planta (-2 respecto de onte, mércores). Aumenta, iso si, o total de persoas que reciben atención hospitalaria a domicilio: 594, quince máis.
Por agora, o Hospital de Monforte é o único que non ten ningún paciente de COVID-19 nas súas instalacións.
Non se rexistraron falecementos na provincia durante as últimas horas, polo que se mantén o total de 26 persoas finadas pola pandemia en Lugo. En canto ás altas tramitadas, ascenden ata as 126 (+1).
GALICIA
Para o conxunto da comunidade galega, a Consellería de Sanidade informa dun incremento de 103 positivos sobre a cifra total. Agora rexístranse 6.637 casos activos, con 1.676 altas de pacientes e 492 falecementos. Velaí a información por áreas sanitarias, reflectida nunha gráfica elaborada polo Xornal de Vigo:
