InicioMovementos sociaisCulpan á nova adxudicataria do peche do Punto de Encontro

Culpan á nova adxudicataria do peche do Punto de Encontro

O presidente da Asociación Dignidad, que xestionou ata agora o centro, di que sempre cubriron os períodos vacacionais con máis persoal

PUBLICADA O

- Advertisement -

Logo de saberse do inminente peche por vacacións do Punto de Encontro Familiar de Lugo, a asociación contra as agresións machistas Si, Hai Saída denunciou que a falta de alternativas supoñía un risco para quenes están en necesidade de acudir ao centro. Sinalados polas críticas, os ata o de agora xestores replican que a medida corresponde aos novos adxudicatarios, pois durante os últimos anos sempre foron cubertos os períodos vacacionais con máis persoal.

Así o asegura Fernando Pérez, presidente da Asociación Dignidad de Lugo. Este colectivo leva un lustro á fronte do centro social sito na Canella da Deputación, á beira do Pazo de San Marcos. Malia que por decreto regulador do Punto de Encontro Familiar é posible realizar un descanso na primeira quincena de agosto, explica, nunca deixaron desatendido o centro nesta época grazas ao emprego de persoal engadido.

O problema sería da nova adxudicataria, sinala Pérez, que foi a que decidiu pechar entre o 1 e o 15 de agosto. Este mes de xuño o concurso público valorou as propostas e propuxo á Fundación Camiña Social para facerse cargo do PEC. Con todo, e segundo figura na Plataforma Pública de Contratos de Galicia, o contrato está pendente de adxudicación.

Así as cousas, o PEC estará inactivo a primeira quincena de agosto e non hai alternativas á vista. Normalmente, este centro pecha luns e martes todo o día, así como xoves pola tarde. Isto xa supoñía dificultades para a tutela de menores en risco de sufrir violencia doméstica, pero como sinalan dende Si, Hai Saída, a clausura temporal ocasionará “indefensión” para as vítimas da violencia de xénero e os seus fillos.

Segundo sinala a presidenta deste colectivo, Marta Rodríguez Engroba, esta situación é “un capítulo máis” da xestión do Punto de Encontro. “Isto é unha mostra máis da desprotección” e das “deficiencias” polas que “non se evidencia preocupación algunha”. O uso do PEC, lembra Rodríguez, depende de resolucións xudiciais e está especialmente orientado aos menores en situación de risco; polo que o seu peche expón a perigos a quen por necesidade acode ao centro.

Por outra banda, lamenta que se fixeran “oídos xordos” fronte as críticas, o que impediu ata o de agora paliar as deficiencias sinaladas polos colectivos especializados en violencia de xénero.

ÚLTIMAS

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...

Inundados tres dos catro pasos sobre o río Ladro en Begonte

As intensas precipitacións da xornada do domingo provocaron o desborde do río Ladra ao seu paso...