InicioSociedadeCritican a situación do Punto de Encontro de Lugo, que pechará 15...

Critican a situación do Punto de Encontro de Lugo, que pechará 15 días

A asociación contra a violencia machista Si, Hai Saída censura a falta de alternativas e a desprotección das vítimas das agresións de xénero

PUBLICADA O

- Advertisement -

O inminente peche por vacacións do Punto de Encontro Familiar de Lugo devolveu a polémica á xestión deste centro. A asociación contra a violencia machista Si, Hai Saída lamenta a falta de alternativas durante o período estival, un risco para quenes precisan empregar este espazo en situacións de conflito, en especial os menores.

Por descanso do persoal, o Punto de Encontro estará inactivo a primeira quincena de agosto. Normalmente, este centro pecha luns e martes todo o día, así como xoves pola tarde. Isto xa supoñía dificultades para a tutela de menores en risco de sufrir violencia doméstica, pero como sinalan dende Si, Hai Saída, a clausura temporal ocasionará “indefensión” para as vítimas da violencia de xénero e os seus fillos.

Segundo sinala a presidenta deste colectivo, Marta Rodríguez Engroba, esta situación é “un capítulo máis” da xestión do Punto de Encontro (Travesía de San Marcos – Canella da Deputación), da que se encarga a Asociación Dignidade de Lugo. Rodríguez subliñou que os responsables están subvencionados pola Xunta de Galicia e censurou a falta de alternativas mentres o persoal desfruta das vacacións.

“Isto é unha mostra máis da desprotección” e das “deficiencias” polas que “non se evidencia preocupación algunha”. O uso do Punto de Encontro, lembra Rodríguez, depende de resolucións xudiciais e está especialmente orientado aos menores en situación de risco; polo que o seu peche expón a perigos a quen por necesidade acode ao centro.

Por outra banda, lamenta que se fixeran “oídos xordos” fronte as críticas, o que impediu ata o de agora paliar as deficiencias sinaladas polos colectivos especializados en violencia de xénero.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...