O catamarán da Deputación Provincial de Lugo que estaba na zona dos Carballos -nas inmediacións da ponte nova-, no río Miño ao seu paso pola capital lucense, non puido soportar este último temporal e acabou por afundirse.
O barco, que xa levaba varios anos fóra de servizo, ía ser retirado da auga, dado que o seu estado de deterioración era evidente, para proceder á súa reparación nunha nave da institución Provincial no municipio de Begonte.
No mes de novembro, fontes do goberno provincial aseguraron que a solución ía ser “inminente”, así como que, unha vez reparada, a embarcación ía ser utilizada de nova para realizar unha ruta turística fluvial. Antes de afundirse, o barco xa estaba visiblemente escorado, como consecuencia da auga que se acumulara na cuberta.
