InicioSociedadeO Concello instala un tobogán xigante para poñer Lugo "na vangarda do...

O Concello instala un tobogán xigante para poñer Lugo “na vangarda do lecer”

Será inaugurado este xoves ás 20,30 horas na praza de Santa María.

PUBLICADA O

- Advertisement -

A alcaldesa de Lugo, Lara Méndez, anunciou este mércores, durante a presentación dunha campaña para favorecer o pequeno comercio, que o Concello instalará un tobogán xigante, que contará con dúas pistas, na praza de Santa María (no centro histórico da cidade), de 22 metros de alto e catro de ancho.

Así, Méndez presumiu que “Lugo vai estar na vangarda do lecer, cunha forma de entretemento moderno e distinto”, co fin de atraer turistas e tamén para sacar “as familias e os máis pequenos de casa”.

Este xoves será inaugurado ás 20,30 horas, pero estará operativo desde o venres 20 de decembro, de 12,00 a 22,00 horas, ata o 7 de xaneiro. O 24 e 31 de decembro e 7 de xaneiro funcionará ata as 20,00 horas.

A rexedora apelou a que se trata de algo que non entraña “ningunha dificultade”, e que a sensación que terá a veciñanza é que “alí van contar cunha estación de esquí” Previamente presentou unha campaña para favorecer o comercio local, que se fará a través dun tren nun circuíto ao redor da cidade, baixo o epígrafe ‘Lugo é capital’.

MUSEO

Ademais, tamén se referiu á reunión que manterá esta tarde en Santiago co conselleiro de Cultura, Román Rodríguez, a quen lle trasladará que o “sentir xeneralizado da sociedade lucense” é que se faga o Museo da Romanización de Galicia sobre as vellas ruínas do cuartel de San Fernando.

Deste xeito, a alcaldesa rexeita a oferta do Goberno galego para que alí sitúese un parador de turismo.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...