InicioSociedadeO Auditorio de Lugo estará operativo antes de que remate o 2019

O Auditorio de Lugo estará operativo antes de que remate o 2019

Tamén se puxo encima da mesa a posibilidade de facer un aparcadoiro subterráneo na praza que planea o Goberno galego na zona da estación de autobuses.

PUBLICADA O

- Advertisement -

O delegado da Xunta de Galicia en Lugo, José Manuel Balseiro, adiantou este mércores que o Auditorio de Lugo se podería entregar ao concello “antes de fin de ano”.

Esta foi unha das conclusións da reunión que mantivo o representante autonómico co primeiro tenente alcalde da capital da provincia, Rubén Arroxo (BNG), na que tamén se puxo encima da mesa a posibilidade de facer un aparcadoiro subterráneo na praza que planea o Goberno galego na zona da estación de autobuses, que se trasladará á localización da Intermodal.

En canto ao novo Auditorio, Balseiro dixo que xa estaba listo para a súa entrega e que vai depender “da conexión de enerxía e o tempo que leve facer os trámites que haxa que facer”. Ao tempo, subliñou que hai unha semana abonáronse 15 mil euros para a conexión eléctrica. Respecto do seu funcionamento, cre que “tranquilamiente” podería estar lista para antes de que finalice o 2019.

Polo demais, en canto ao aparcadoiro, Rubén Arroxo non escondeu que é unha “idea moi interesante” e “afecta a varias áreas do concello de Lugo” en termos de urbanismo.

A concellaría de Mobilidade, a cargo dos nacionalistas, exponse facer ese aparcadoiro subterráneo baixo a praza que programa o Goberno Galego na vella terminal de autobuses “case no centro de Lugo”.

Esta actuación, “permitirá avanzar na peonalización total do centro histórico e seguir avanzando na da Rolda da Muralla”, apunta Arroxo.

“Temos un punto estratéxico onde calquera veciño ou visitante á cidade poderá deixar o seu vehículo a metros da propia muralla” engadiu.

Outro dos compromisos que se adquiriu durante a reunión, na delegación da Xunta da rolda da Muralla, é “executar” a supresión dun “tapón urbanístico na rúa Fisterra” no barrio de Albeiros.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...