InicioCulturaO BNG quere que a Xunta asuma a xestión do Cuartel de...

O BNG quere que a Xunta asuma a xestión do Cuartel de San Fernando para convertelo en Centro da Romanización

PUBLICADA O

- Advertisement -

A portavoz nacional do BNG, Ana Pontón, viaxou este mércores até Lugo para anunciar que o partido nacionalista trasladará ao Parlamento de Galicia unha “iniciativa social e institucional” para que a Xunta asuma a xestión do Cuartel de San Fernando, un Ben de Interese Cultural (BIC) en pleno centro histórico da cidade, para convertelo nun Centro de Interpretación Galaico-Romano.

Acompañada pola vicepresidenta da Deputación, Maite Ferreiro, e do tenente de alcalde de Lugo, Rubén Arroxo, a portavoz nacionalista lamentou o estado no que se atopa este edificio, en “o corazón da cidade”, despois de “demasiados anos de abandono”.

“Un abandono que provocou a súa deterioración” a pesar de ser “un BIC”, engadiu, unha situación na que, ao seu xuízo, ten “gran responsabilidade a Xunta de Galicia”, por “desatender o coidado do noso patrimonio”.

Nese sentido, lembrou que “fai máis de once anos que o Concello de Lugo promoveu a cesión” da titularidade dese edificio á Xunta de Galicia, pero transcorrido todo este tempo non se produciron avances e a situación do proxecto previsto, a creación dun centro de interpretación da romanización, “está igual ou peor que fai dez anos”.

“Isto é o resultado dun goberno paralizado que non ten ningún compromiso con esta cidade”, dixo Pontón.

Coa súa iniciativa parlamentaria, precisou, os nacionalistas buscan que o edificio “sexa xestionado pola Xunta e que se cumpran as promesas”, porque “existe un amplo consenso” en Lugo no que se refire á conversión do Cuartel de San Fernando nun Centro de Interpretación Galaico Romana, que ademais podería funcionar como un “elemento de dinamización cultural e económica”.

ÚLTIMAS

Tomé, en reunións con Altri e Ulloa Viva: “Fibras téxtiles si, celulosa non”

O presidente da Deputación de Lugo, José Tomé (PSdeG-PSOE), mantivo este martes dúas reunións con...

Collidos mentres “puenteban” o contador eléctrico dunha vivenda

Axentes da Policía Local de Lugo identificaron a dúas persoas por manipular os cables de...

Reunión de Altri con empresas forestais de Lugo para presentarlles o proxecto de Palas de Rei

Representantes de Greenfiber, formada pola enerxética Greenalia e a multinacional lusa Altri, reuníronse coa...

Dúas persoas faleceron tras chocar a súa furgoneta cun camión de cereal en Begonte

Dúas persoas faleceron este martes en Begonte ao chocar a furgoneta na que viaxaban cun...