InicioSociedadeCase corenta concellos de Lugo percibirán axudas para reducir a súa factura...

Case corenta concellos de Lugo percibirán axudas para reducir a súa factura eléctrica

A Deputación conseguiu fondos europeos para renovar a iluminación existente nos municipios por outra de tipo LED. Así, estiman que o aforro alcanzará os 62.000 euros anuais no conxunto de concellos.

PUBLICADA O

- Advertisement -

A Deputación de Lugo vén de conseguir fondos da Unión Europea para desenvolver o proxecto ILUMIN@. Grazas a iso, trinta e oito concellos lucenses percibirán axudas destinadas a renovar as instalacións enerxéticas municipais e reducir así a súa factura eléctrica.

Así o anunciou o presidente da Deputación, José Tomé, nunha rolda de prensa posterior á primeira xunta de goberno do novo mandato. Esta sesión arrincou cunha “boa nova” para os concellos, expresou Tomé, porque o programa ILUMIN@ achegará 578.072 euros para dotar os municipios de novo equipamento enerxético de baixo consumo. As axudas do FEDER foron solicitadas a través do Instituto de Desenvolvemento de Aforro Enerxético (IDAE), dependente do Ministerio de Transición Ecolóxica. A maiores, a Deputación poñerá uns 145.000 euros.

Tales fondos serán distribuídos entre os 38 concellos que se adheriron á iniciativa de forma voluntaria. O obxectivo é “prestar servizos públicos eficientes á cidadanía á vez que se aforran custos”. Así, prevense cambios na luminaria existente por outras “tecnoloxías máis modernas”, como a iluminación LED. Farase, por exemplo, no alumeado público, centros sociais, dependencias culturais ou deportivas, etc. En total, Tomé estimou que se renovarán 3.195 instalacións que suporán un aforro de 62.000 euros anuais no conxunto de concellos.

Os concellos que se sumaron ao proxecto son os seguintes: Baralla, Meira, Friol, Quiroga,  Burela, Negueira de Muñiz, Castro de Rei, A Pastoriza, Begonte, Riotorto, Carballedo, Sober, Lourenzá, Ourol, A Pobra do Brollón, Mondoñedo, Xermade, O Vicedo, Navia de Suarna, Láncara, Cervantes, O Saviñao, Ribeira de Piquín, Alfoz, O Páramo, Rábade, As Nogais, Guntín, Castroverde, Samos, Trabada, O Incio, Folgoso do Courel, Pantón, O Valadouro, Cospeito, Vilalba e Monforte de Lemos.

DESBROCES

Por outra banda, a Xunta de Goberno aprobou a adxudicación do servizo de desbroce de estradas provinciais pertencentes a 28 concellos. Para este fin destináronse 972.000 euros, que cubrirán os traballos deste ano 2019 e do 2020.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...