O secretario xeral do PSdeG, Gonzalo Caballero, apelou en Lugo ao “voto útil” da cidadanía para os socialistas conten cunha “maioría rotunda” nas municipais e europeas do domingo e “goberno que dean estabilidade e progreso”.
“O voto útil para o progreso dunha Europa da cidadanía e das persoas é o voto ao partido socialista, e aquí en Lugo onde temos unha experiencia de goberno consolidada e de progreso necesitamos unha maioría ampla e rotunda para que o proxecto de avance continúe no próximos catro anos”, proclamou xunto á alcaldesa, Lara Méndez, e á ministra de Traballo, Magdalena Valerio.
Caballero pedía así o apoio dunha “maioría ampla” de cidadáns á alcaldesa e candidata a repetir no cargo, Lara Méndez, na cidade de Lugo, dado que o seu proxecto “beneficiará” aos lucenses de “forma clara”.
“O PSdeG abre estes dous días cun sprint final para revolucionar o futuro de Galicia con gobernos que dean estabilidade e progreso, fronte ao retroceso dunha dereita reaccionaria que soamente implica riscos para as prioridades sociais, que soamente implica risco para o avance dos dereitos e liberdades”, concluía Caballero.
Pola súa banda, Lara Méndez presumía dos “dez meses de goberno” de Pedro Sánchez. “Abríronsenos de novo as portas e abriuse a interlocución para seguir reclamando as necesidades que temos os lucenses e ademais con receptividade e para mostra o anteproxecto de intermodal (para a chegada do AVE)”.
Tamén se referiu a a visita programada para este venres á cidade do expresidente do goberno, Mariano Rajoy, criticando que “que durante estes últimos anos nin estivo, nin se lle esperaba (en Lugo)”, e que nin sequera tiveron a de falar “con ningún ministerio a pesar das reiteradas chamadas e intencións” para contactar entre administracións “para buscar o ben común dos cidadáns”.
“Queremos seguir esta senda de materializar o noso proxecto, temos un proxecto iniciado, consolidado, con fondos europeos e de aí a importancia tamén das eleccións europeas para materializar o noso modelo de cidade, e agora cunha interlocución directa co goberno central”, subliñou finalmente.
