A conselleira do Medio Rural, María José Gómez, reuniuse este luns coa alcaldesa de Lugo, Elena Candia, para analizar un proxecto para a adecuación do Campo da Feira de Nadela.Nun comunicado, a Xunta explicou que esta actuación permitirá mellorar as condicións de uso do recinto e, ao mesmo tempo, conservar os elementos existentes que forman parte da súa configuración.
A titular do Medio Rural destacou a importancia que teñen as feiras, xa que permiten que as persoas produtoras poidan pór a disposición da cidadanía uns produtos de excelente calidade. o caso concreto da feira de Nadela, sinalou que é unha das que se mantén ao longo do tempo e que ten moita demanda por parte dos veciños. Por iso, indicou que a colaboración cos concellos para impulsar e manter este tipo de infraestruturas é esencial.
