A Xunta formulou declaración de impacto ambiental desfavorable ao proxecto de parque eólico ‘Navallos’, en Castroverde e Baralla e promovido por Enel Green Power España, entre outros motivos, polo seu efecto sobre avifauna.
Conclúe que o proxecto non é ambientalmente viable ao identificarse “impactos adversos significativos sobre o medio ambiente derivados da súa execución”.
Para argumentar esta decisión, sobresae o informe desfavorable da Dirección Xeral do Patrimonio Natural, xa que resulta determinante” ao estimar que “o efecto sinérxico e acumulado sobre a avifauna e os quirópteros debe cualificarse como impacto ambiental crítico”.
Esa dirección xeral confirma que o aumento da densidade de aerogeradores xerará “probablemente” un efecto sinérgico, “principalmente de tipo baleiro e/ou barreira sobre a avifauna incompatible coas necesidades destas poboacións”, polo que conclúe que o proxecto presenta “impactos acusados sobre o patrimonio natural e a biodiversidade”, e por tanto ve “previsibles efectos adversos significativos sobre o medio ambiente”.
