O Ministerio de Transportes e Mobilidade Sustentable renovará e mellorará as instalacións eléctricas do túnel de Neira na A-6, en Lugo, para o que serán necesarios diversos cortes na autovía desde o vindeiro luns.
Tal e como trasladou o Goberno Estatal nunha nota de prensa, para garantir a seguridade dos traballadores e usuarios, interromperase a circulación entre os quilómetros 456, ligazón de Becerreá/Cereixal, e 469, ligazón de Sobrado/Baralla.
Concretamente, os cortes comezarán o luns, 1 de xuño, ás 8.00 horas, e alongaranse ata as 13.00 horas do venres, 5 de xuño, afectando á calzada con sentido Madrid.
Así mesmo, volveranse a producir ás 8.00 horas do luns seguinte, 8 de xuño e ata as 13.00 horas do venres 12 de xuño, en sentido A Coruña. En ambos os casos habilitaranse desvíos alternativos pola N-6, debidamente sinalizados.
