InicioEconomíaCinco negocios incipientes para revitalizar o rural lucense

Cinco negocios incipientes para revitalizar o rural lucense

A Deputación entrega os premios Emprendendo Rural a cinco negocios que, estímase, xerarán trinta novos postos de emprego en zonas en risco de despoboamento

PUBLICADA O

- Advertisement -

Os gañadores dos premios Emprendendo Rural mantiveron este mércores un encontro coa deputada provincial Sonsoles López Izquierdo, responsable de Promoción Económica e Social. Na xuntanza, explicaron os pasos de cara á apertura destes cinco novos negocios, escollidos pola capacidade de dinamizar a economía no rural lucense.

A Deputación de Lugo calcula que estas cinco iniciativas, a cada unha das cales apoia con 10.000 euros, comportarán en conxunto a creación de trinta postos de emprego en zonas en risco de despoboamento. López Izquierdo asegurou que o compromiso do goberno provincial co rural “non é un eslógan coma o de outras administracións públicas galegas, senón que se demostra con feitos e iniciativas”. A deputada defendeu o bo uso dos recursos institucionais para “mellorar a calidade de vida dos veciños” e “impulsar o crecemento na provincia”.

No acto, as emprendedoras deron a coñecer os negocios que están a piques de abrir.

iTechTermtres universitarios instalados en Arneiro desenvolveron un chip subcutáneo para monitorizar a temperatura das vacas de leite, permitindo actuar de xeito precoz en caso de anomalía.

Almazara de Aceite: un rapaz estabelecido en Taboada plantará dez hectáreas de oliveiras e erguerá unha almazara para producir aceite agroecolóxico. 

Radisservizo de detección pasiva e activa de gas radon, que achega medidas para a súa eliminación no caso de que se presente en concentracións prexudiciais para a saúde.

Centro Residencial San Vicente: a promotora, arquitecta e emprendedora, rehabilitará un edificio en Rábade para mudar en residencia para cincuenta e tres maiores con e sen dependencia.

Cantina Albergue Camiño de Santiago: esta emprendedora porá en marca un negocio nas Seixas, en Palas de Rei, ao pé do Camiño Primitivo, aumentando a insuficiente oferta para os 15.000 peregrinos que deben agardar a Melide para atopar estes servizos.

ÚLTIMAS

A alcaldesa de Lugo avoga por que a esquerda “axunte esforzos” na súa provincia para evitar “voto inútil”

A alcaldesa de Lugo, Lara Méndez, considera que a esquerda "debe axuntar esforzos", tamén na...

A provincia de Lugo desprega 112 operarios e 64 máquinas para garantir a seguridade viaria este inverno

O presidente da Deputación de Lugo, José Tomé Roca, presentou o plan de viabilidade invernal para...

Convocan as primeiras xornadas de Saúde Mental en Lugo, a provincia co maior número de suicidios en España

A asociación de voluntariado autonómica Stop Suicidio Lugo anunciou este venres a celebración das...

Brendan Shine, un inglés do Corgo que presenta o seu primeiro libro

Brendan Shine é un músico, cantante e deportista que leva anos asentado no Corgo...