InicioA UlloaAltri convida a alcaldes da zona da Ulloa ás súas fábricas de...

Altri convida a alcaldes da zona da Ulloa ás súas fábricas de Portugal para que coñezan a súa integración na contorna

A multinacional defende que as súas esixencias ambientais "van moito máis alá do que esixe a normativa" e que o proxecto que tratan de impulsar en Galicia é "para 50 anos ou máis".

PUBLICADA O

- Advertisement -

A multinacional Altri, que pretende a instalación en Palas de Rei dunha fábrica de fibras téxtiles, convidou a alcaldes da comarca da Ulloa a coñecer as súas plantas de Portugal para que puidesen ver en primeira persoa o funcionamento das mesmas e a súa integración na contorna na que están implantadas. Nun comunicado, a compañía informou de que o obxectivo desta iniciativa, enmarcada dentro da súa política de transparencia, é que os responsables políticos puidesen ver os niveis de esixencia ambiental das súas factorías.

Á visita foron convidados os máximos responsables dos seis concellos da zona, aínda que finalmente asistiron os rexedores de Palas de Rei, Pablo Taboada, e de Monterroso, Eloy Pérez, ademais dun concelleiro de Antas de Ulla, José Manuel Quintá, que foron recibidos polo alcalde de Vila Velha de Rodao, concello onde se empraza a planta de Biotek.

Durante a primeira xornada, o director de Industrial de Biotek, Vitor Lucas, e a responsable de Sustentabilidade e membro do consello executivo de Altri, Sofía Jorge, explicáronlles a aposta de Altri pola “procura da excelencia en innovación”, que no caso de Biotek traduciuse nun investimento económico de máis de 130 millóns de euros nos últimos seis anos. Tamén se centraron na posta en valor de todos os produtos que entran no proceso de fabricación, que lle levaron a utilizar a metade de auga nos procesos que outras empresas do sector e que converteron Altri na “referencia mundial” no uso de auga.

“Nos últimos 2 anos, investimos en Biotek e Celbi 10 millóns de euros para eliminar cheiros, o cal ten un retorno económico cero, pero facémolo por compromiso social coa contorna”, reivindicou o conselleiro executivo de Altri, Carlos Van Zeller. El destacou que o proxecto que tratan de impulsar en Galicia é unha iniciativa “para 50 anos ou máis”. “Temos o máximo respecto polo medioambiente, as nosas esixencias ambientais van moito máis alá do que esixe a normativa e levamos anos traballando nunha tecnoloxía que, ata a data, non se usa en ningunha outra planta. Na fábrica de Pas, faremos un investimento de 80 millóns para o tratamento da auga e devolverémola cunha calidade única no sector”, engadiu.

Precisamente este venres, os alcaldes visitaron a factoría de Altri en Figueira da Foz, denominada Celbi.

PROXECTO PARA PAS

Altri subliñou que a planta que Greenfiber deseñou para Palas de Rei é un proxecto baseado na economía circular, no que todo se optimiza: auga, residuos e enerxía. Trátase dunha planta de última xeración, en liña coas directrices da UE, que situará a Galicia na vangarda dunha nova industria baseada na sustentabilidade, a innovación e a mellora continua.

Cun investimento de máis de 850 millóns de euros, prevén a creación de preto de 500 empregos directos nunha planta que funcionará as 24 horas para fabricar dous produtos finais a partir da madeira do eucalipto, ambos de base celulósica e, por conseguinte, biodegradables.

Un deles serán as fibras solubles para aplicacións téxtiles, que se venderán soamente a industrias do sector téxtil e outro será o Lyocell, unha fibra téxtil que, do mesmo xeito que o algodón, está composta por case un 100% de celulosa, que se producirá na mesma planta utilizando directamente o primeiro produto como materia prima. Para a elaboración de ambos os produtos utilizaranse 1,2 millóns de toneladas de madeira de eucalipto galega certificada que, na actualidade, se comercializa fóra de Galicia.

ÚLTIMAS

O BNG insta o Senado a rexeitar o proxecto de Altri tras o “clamor social” manifestado en Palas de Rei

A senadora do BNG, Carme da Silva, defenderá esta semana unha moción no pleno da Cámara...

Tres feridos nun accidente entre un turismo e un camión en Vilalba

Tres persoas resultaron feridas este luns nun accidente de tráfico rexistrado na autovía A-8...

Paula Alvarellos reactiva os contactos co IGVS sobre os proxectos de Casa Torre, Dona Urraca e O Castiñeiro

A alcaldesa de Lugo, Paula Alvarellos, retomou as conversacións co Instituto Galego de Vivenda e Solo para avanzar...

Destinaranse tres millóns de euros ó proxecto de reforma do estadio Anxo Carro

A Xunta de Galicia espera licitar en xaneiro de 2025 a obra de reforma...