InicioEconomíaA nova Relación de Postos de Traballo do Concello de Lugo recibe...

A nova Relación de Postos de Traballo do Concello de Lugo recibe o prace da mesa sindical

O concelleiro de Persoal explica que a solución á Escola Municipal de Música está contemplada na nova RPT, que queda da man dos técnicos

PUBLICADA O

- Advertisement -

A Mesa Xeral de Negociación celebrada este mércores aprobou a Relación de Postos de Traballo (RPT) plantexada polo Concello de Lugo. A nova organización profesional do consistorio contou co voto positivo de CC.OO. e CSIF; a UXT abstívose, e a CIG opúxose. O representante de USTG estivo ausente na votación por mor de asuntos persoais.

O concelleiro de Persoal, Daniel Piñeiro, aclarou aos sindicatos que a solución para continuar prestando o servizo da Escola Municipal de Música con empregados municipais pasa pola aprobación desta nova RPT. Era o paso a seguir, explicou o edil, debido á sentenza xudicial que anula a modificación puntual de 2012. 

Prazas a tempo completo

Entre outras medidas, a RPT proposta inclúe un plan de ordenación de recursos humanos para amortizar as prazas de músicos a tempo parcial, e crear despois outras novas a tempo completo coas funcións de músicos e docencia, que quedarán asignadas provisionalmente ata que os traballadores se sometan a un proceso interno para a designación definitiva. 

Tralo prace da mesa sindical, o procedemento continúa agora coa solicitude por parte do goberno local dos informes técnicos preceptivos dos servizos municipais de Persoal e Intervención. Logo da aprobación inicial en xunta de goberno, abrirase un prazo de vinte días naturais para presentar alegacións. De rexistrarse, resolveranse para a continuación proceder á aprobación definitiva do documento, tamén en xunta de goberno.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...