InicioEconomíaA primeira fase da ampliación do parque empresarial de Muimenta queda completa...

A primeira fase da ampliación do parque empresarial de Muimenta queda completa cun investimento de 1,6 millóns

Esta primeira etapa da ampliación incluíu actuacións relativas á urbanización, as conexións ás redes de saneamento, de abastecemento, de telefonía e de electricidade e ás ligazóns coa estrada LU-120.

PUBLICADA O

- Advertisement -

A Xunta de Galicia completou a primeira fase da ampliación do parque empresarial de Muimenta tras un investimento de 1,6 millóns de euros, segundo anunciou este venres a conselleira de Medio Ambiente, Territorio e Vivenda, Anxos Vázquez, durante unha visita a esta área industrial do Concello de Cospeito.

Esta ampliación permitiu incrementar a superficie do parque en case 25.000 metros cadrados, dos que case 13.000 metros serán 14 parcelas que oscilan entre os 423 metros e os 1.605 metros. Os restantes destinaranse a zonas verdes e vías.

Segundo recolle o Goberno galego nun comunicado, Vázquez explicou que a comercialización das parcelas xa se incluíu no concurso de venda convocado por Xestur o pasado mes de febreiro e a apertura das ofertas está prevista para os próximos días.

Neste sentido, indicou que os adxudicatarios destes terreos beneficiaranse da bonificación do 50% que a Xunta aplica á adquisición de parcelas nos parques empresariais da provincia de Lugo.

Esta primeira etapa da ampliación incluíu actuacións relativas á urbanización, as conexións ás redes de saneamento, de abastecemento, de telefonía e de electricidade e ás ligazóns coa estrada LU-120 e coas vías das que xa dispuña o parque.

“O ano 2022 foi un dos mellores en venda de parcelas en polígonos industriais coa adxudicación de 540.000 metros cadrados”, lembrou Ángeles Vázquez.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...