InicioEconomíaMobilización dos traballadores do metal en Lugo ante a "falta de sensibilidade"...

Mobilización dos traballadores do metal en Lugo ante a “falta de sensibilidade” da patronal para negociar o convenio

PUBLICADA O

- Advertisement -

Os sindicatos CC.OO., CIG e UGT, que representan ao “95% dos máis de 5.000 traballadores do sector do metal na provincia de Lugo”, anunciaron mobilizacións ante a “falta de sensibilidade” da patronal na negociación do convenio.

A este sector, aseguraron, pertencen tamén outros subsectores como o de reparación de vehículos, reparación de maquinaria agrícola, carpintaría metálica, servizo de ascensores, calefactores e fontaneiros, refrixeración industrial, montaxes eléctricas e telefónicas, electricidade de casas, fábricas de fabricación e reparación ou venda de electrodomésticos, entre outros.

Segundo aseguran o tres sindicatos nun comunicado, as negociacións para sacar adiante o novo convenio esténdense desde o 20 de xaneiro de 2022, cando se constituíu a comisión negociadora.

Ata o momento celebráronse doce reunións, pero o pasado 28 de febreiro, tal e como explican, a patronal negouse a que os traballadores poidan percibir atrasos durante a vixencia do convenio (2022-2025), ademais de “non aceptar que se aplique a cláusula de revisión salarial ano a ano con efectos retroactivos”.

Doutra banda, os sindicatos denuncian que a patronal non asumiu “ningunha reivindicación que levaron á mesa de negociación”, por exemplo, “o plus de traballo a quendas, complemento de IT pola base de cotización, permisos para acompañamento de fillos menores e familiares convivientes, melloras salariais para non perder a maiores poder adquisitivo con respecto a outras provincias limítrofes, entre outras.

ÚLTIMAS

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...

Anunciado o traspaso das parcelas para a nova Comisaría de Policía Nacional en Lugo

O delegado do Goberno en Galicia, Pedro Blanco, e o alcalde de Lugo, Miguel...