InicioEconomíaBoa presenza de turistas en Lugo e a Ribeira Sacra esta ponte

Boa presenza de turistas en Lugo e a Ribeira Sacra esta ponte

Ocupación por encima do 85% na Ribeira Sacra e en torno ao 70% en Lugo cidade durante a semana de ponte

PUBLICADA O

- Advertisement -

A ocupación hoteleira na Ribeira Sacra situarase por encima do 85% na sucesión de festivos da ponte da Constitución desta semana, segundo datos que manexa o presidente da Asociación Provincial de Empresarios de Hostalaría de Lugo, Cheché Real.

Estas son “estimacións” a principios “desta semana”, aínda que Real confía en que se supere esa cifra. De igual modo, espérase unha ocupación do 70% para a cidade de Lugo, así como do 55% para a comarca da Mariña. “Seguramente suban un pouco porque non choveu, porque cando chove si que se dan cancelacións. Esas porcentaxes van ser maiores cando se faga o balance final”, augurou.

En canto a limitacións no gasto pola “onda inflacionista”, o empresario lucense puntualizou que “máis que limitar, está a controlarse” o custo, que non é tan elevado como outros anos. “As comidas de celebracións non son como antes. Antes case non pedías orzamento, agora pídese orzamento e axústano. Dadas as circunstancias non é un problema, aínda que se se mantén si pode selo”, sentenciou.

Cheché Real xustificou que “a subida dos carburantes e da enerxía é o desencadenamento de que se suban os produtos” cos que traballan. Sexa como sexa, o presidente dos hostaleiros de Lugo móstrase optimista de cara á campaña de Nadal, dado que “están a subir as celebracións empresariais e de cuadrillas”.

ÚLTIMAS

Colisión frontal en Lugo deixa tres persoas hospitalizadas

Tres persoas resultaron feridas e unha delas tivo que ser excarcerada tras unha colisión...

O Concello de Lugo reclama á Xunta a recuperación inmediata do antigo cuartel de San Fernando

O Concello de Lugo reclamou á Xunta que execute de inmediato a recuperación do...

A Deputación de Lugo impulsa unha campaña para apoiar ás familias na volta ao cole

A Deputación de Lugo e a Federación Galega de Comercio lanzaron este venres na...

Sorprenden un home roubando unha bicicleta rompendo a cadea cun machete en Lugo

Axentes da Policía Local de Lugo sorprenderon na mañá do xoves a un home...