InicioEconomíaLugo aproba 118 millóns para o 2023

Lugo aproba 118 millóns para o 2023

PUBLICADA O

- Advertisement -

O orzamento do Concello de Lugo, que conxelará taxas e tributos municipais, rozará os 118 millóns de euros no ano 2023. A alcaldesa, a socialista Lara Méndez, e o primeiro tenente de alcaldesa, o nacionalista Rubén Arroxo, presentaron este luns as contas, que levarán a un pleno extraordinario o venres 16 de decembro.

Méndez destacou que as contas se incrementan “un 10,4% con respecto a 2022. “Son un ano máis uns orzamentos claramente expansivos e sociais que van permitir continuar co impulso crave para Lugo, dentro do plan de recuperación económica da cidade que activamos tras a pandemia”, esgrimiu.

A rexedora puxo o acento en que “se manteñen conxeladas un ano máis as taxas e impostos municipais porque aínda que aumenta o gasto na mellora dos servizos esenciais, non é o momento de impor máis cargas aos veciños”. Tamén soben os investimentos, case un 18 por cento con respecto a 2022 (17,85 por cento), ata chegar aos 14 millóns de euros, “cifra histórica, dirixida moi especialmente á reactivación da economía”, sinalaba Méndez.

PEONALIZACIÓN “INTEGRAL” DO CENTRO HISTÓRICO

Xa o tenente de alcaldesa, Rubén Arroxo, lembrou que “estes son os cuartos presupostos deste mandato e son os últimos da lexislatura, que veñen marcados pola situación que se está vivindo, a que se viviu nestes case tres anos relacionada coa crise que provocou a pandemia, e agora unha nova crise que é a subida dos custos da vida, e moi especialmente o custo das enerxías”.

Nestas contas tamén se reflicte que se destinarán 6,5 millóns de euros na peonalización “integral” do centro histórico ou 1,3 millóns en “humanizacións” na cidade de Lugo.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...