O Ministerio de Transportes, Mobilidade e Axenda Urbana formalizou o contrato de adecuación e mellora das condicións de seguridade, vialidad e circulación dos túneles de Neira, San Pedro, Doncos e Cereixal na autovía A-6 e tamén na N-120, na provincia de Lugo, por 8,4 millóns de euros.
As actuacións, enmarcadas no Plan de Recuperación, Transformación e Resiliencia e financiadas cos fondos NextGenerationEU, están encamiñadas a adecuar as infraestruturas mencionadas aos requisitos de seguridade e vialidade establecidos no Real Decreto 635/2006, de 26 de maio.
O Plan de Recuperación, Transformación e Resiliencia conta cun orzamento de 357 millóns de euros para adaptar túneles á normativa europea e para potenciar a protección da fauna e os usuarios vulnerables.
En concreto, financiará actuacións en túneles da Rede de Estradas do Estado centradas na mellora de saídas de emerxencia, sinalización, balizamento, iluminación ou ventilación entre outras medidas.
