A creación contemporánea e o coñecemento artesanal das redeiras de Burela conxúganse no proxecto artístico “Facer territorio atando cabos” de Irene Trapote e Sergio Marey, impulsado pola Rede Museística Provincial.
A deputada de Cultura Iria Castro, o tenente alcalde de Burela Marío Pillado e a concelleira de Servizos Sociais e Igualdade Sandra Fernández Cillero, acompañados pola xerente da Rede Museística Provincial Encarna Lago, visitaron esta mañá a nave de redes do porto de Burela, onde artistas e redeiras comparten xornadas de traballo co obxectivo de crear unha obra artística.
O proxecto concibe o proceso creativo como un acto de escoita e produción conxunta no que a artista e as redeiras traballan en horizontalidade, e que contará con diferentes fases. A primeira, que se desenvolve nestes días, céntrase na recollida de testemuños orais e documentación gráfica e audiovisual. As redeiras tamén poderán participar na creación e produción da peza final, que se inaugurará o 17 de xuño no Museo do Mar de San Cibrao.
O proxecto reivindica o valor dos oficios feminizados, historicamente relegados ao ámbito doméstico ou considerados “complementarios”, e propón unha lectura feminista do traballo manual vinculado ao mar. As redeiras aparecen como portadoras dun coñecemento artesanal que forma parte do ADN cultural e emocional da Mariña.
Enmárcase dentro do programa “Soterradas” da Rede Museística , que inclúe diversas intervencións artísticas e proxectos expositivos centrados en visibl
