InicioEconomíaA Xunta di que a nova planta de Altri será "o dinamizador...

A Xunta di que a nova planta de Altri será “o dinamizador da economía local e de toda a provincia”

Conde asegura que velará porque a planta de Altri "respecte a normativa vixente"

PUBLICADA O

- Advertisement -

O vicepresidente segundo da Xunta en funcións, Francisco Conde, asegurou que a Administración autonómica “velará por que calquera impacto” que xere o proxecto da compañía Altri no municipio lugués de Palas de Rei “respecte a normativa vixente”.

“Calquera actividade económica xera impactos, pero deben ser acordes coa normativa actual”, sinalou Conde este venres en Palas, onde mantivo un encontro co rexedor do municipio, Pablo Taboada, para abordar os detalles do proxecto da empresa portuguesa para instalar unha fábrica de fibras téxtiles na comarca da Ulloa.

Alí, o máximo responsable da área económica do Goberno galego –en funcións desde hai unha semana– avanzou a solicitude, remitida por carta, para manter unha reunión coa vicepresidenta primeira do Executivo central, Nadia Calviño, para abordar as liñas e apoios ao proxecto de Altri en Palas.

Tras incidir en que a planta será “o dinamizador da economía local e de toda a provincia”, Conde abundou en que o proxecto aumentará a demanda “non só de materia prima senón de toda unha industria complementaria” e permitirá o desenvolvemento “de novas empresas de produtos e servizos”.

Ademais da solicitude para atoparse con Calviño, a Xunta tamén enviou peticións ás ministras das áreas temáticas que abarca a iniciativa empresarial: a vicepresidenta cuarta e ministra para a Transición Ecolóxica e o Reto Demográfico, Teresa Ribeira, e a titular de Industria, Comercio e Turismo, Reyes Maroto. Así as cousas, expresou que confía en que o Executivo estatal “teña a mesma confianza” no proxecto que o Goberno galego.

ÚLTIMAS

Descubertos varios sitios arqueolóxicos nos Ancares

O Colectivo Patrimonio dos Ancares comunicoulle á Xunta de Galicia a localización de varios...

Ecoloxistas en Acción denuncia que a planta de Altri en Palas consumirá o total da auga da provincia de Lugo nun día

Ecoloxistas en Acción reclama á Xunta que denegue á compañía portuguesa Altri a solicitude de captación...

A Deputación de Lugo culpa á Xunta de “incumprir” o proceso de estabilización e esixe o fin da “temporalidade”

O pleno da Deputación Provincial de Lugo aprobou este martes unha moción do Grupo Provincial Socialista...

Adega denuncia que a captación de auga para Altri provocará “problemas de abastecemento”

A Asociación para a Defensa Ecolóxica de Galiza (Adega) censura a solicitude de captación...