InicioSociedadeO sector da beleza volve saír á rúa en Lugo para pedir...

O sector da beleza volve saír á rúa en Lugo para pedir que se reduza o IVE ao 10%

Denuncian a situación de "afogo" atravesan e da que culpan ao PSOE porque "é o único grupo" do parlamento que se mostra en contra da rebaixa do IVE.

PUBLICADA O

- Advertisement -

Uns 200 profesionais do sector da beleza na provincia de Lugo mobilizáronse ante a sede do PSOE lucense, na rúa Salmón da capital provincial, para despois partir en manifestación ata a Subdelegación do Goberno co fin de reclamar que se reduza o IVE ao 10 por cento.

Así, a principal reivindicación destes profesionais centrouse en que se reduza o IVE ao dez por cento, que se regrese a esa porcentaxe de antes da crise económica de 2008, cando era un oito por cento. Pancartas, algunhas profesionais portaban cadeas ao pescozo e mesmo cordas a modo de soga para mostrar a situación de “afogo” pola que atravesan e da que culpan ao PSOE porque “é o único grupo” do parlamento que se mostra en contra da rebaixa do IVE.

A presidenta da Plataforma, en Lugo, de imaxe persoal ‘Creer en nosotros’, Ángeles Salgueiro, xustificou que a manifestación saíu de “diante da sede” do PSOE, do mesmo xeito que “en toda España”. “O PSOE é o único partido que se nega a falar connosco ou darnos a restitución do noso IVE ao 10 por cento”, aclarou.

“É rechamante que de 25 partidos que hai (no Congreso) 24 nos apoien, incluso os socios de goberno, menos o PSOE. Chegou ao límite de que no Senado está aprobado por maioría e o PSOE vétanos antidemocrática e anticonstitucionalmente”, afeou.

Salgueiro puntualizou que en Lugo “ata hai dous anos” eran “uns oitocentos e pico e agora somos un 35 por cento menos”. “Hai compañeiros que están aquí que xa pecharon ou van pechar este mes. Está a caer en Lugo un 35 por cento (peches), tamén en Galicia e en España un corenta por cento”, detallou.

Outro aspecto do que se queixan radica na subida da enerxía. Respecto diso, indicaron que se pagaba nun “local pequeno sobre 400 euros de luz” e “agora a factura sobe dos mil euros”, estimou Salgueiro, que sinalou que o sector dá traballo a máis de mil persoas na provincia de Lugo.

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...