InicioEconomíaA Ágora Verde de Lugo, dobre oportunidade para o produto ecolóxico

A Ágora Verde de Lugo, dobre oportunidade para o produto ecolóxico

Lugo acolle, na Praza Maior e ata o xoves 6 de setembro, a feira do produto ecolóxico baixo o auspicio de CRAEGA e a Deputación, que xa pasou por Monforte e Viveiro

PUBLICADA O

- Advertisement -

Lugo é a provincia galega que conta coa maior superficie adicada ao produto ecolóxico, o 47 por cento do total. Esta forte aposta por un sector que medra en demanda de xeito sostido ten estes días o seu escaparate no centro da capital lucense. A Ágora Verde, creada baixo o auspicio da Deputación e mailo Consello Regulador da Agricultura Ecolóxica de Galicia (CRAEGA), fica na Praza Maior ata este xoves 6 de setembro.

A producción das marcas con certificado ecolóxico incrementouse na provincia un 45 por cento ao longo de 2017. Foi en comparación un 3 por cento máis dinámico que a media galega, comportando un volume económico superior aos 22 millóns de euros. Porén, aínda existe moita confusión entre os consumidores, factor que motivou a instauración deste certame.

Ágora Verde ofrece información sobre as propiedades e beneficios da agroecoloxía e a pegada ambiental. Mais, ante todo, aproxima a consumidores e produtores. Para o sector, a feira supón unha dobre oportunidade. Por unha banda, introducen esta clase de produto, difícil de atopar nas grandes superficies. Pola outra, serve para presentar empresas que recén comezaron, ou que hai pouco que obtiveron o etiquetado ecolóxico.

Así, os produtores celebran a acollida da Ágora Verde, que xa pasou por Monforte e Viveiro. “Ogallá todas as semanas”, comenta o rexente dun dos postos. Malia á chuva intermitente, a privilexiada situación da feira na Praza Maior está a atraer a atención dos consumidores, tanto os que xa coñecen as propiedades destes alimentos coma os que proban por vez primeira o produto ecolóxico.

Xunto cos cartaces informativos, Ágora Verde presenta degustacións e venda directa nas casetas –proporcionadas pola Deputación– das entidades participantes: marmelos, verduras, tés e infusións, viños, doces e maruxas, cervexas, conservas, tapas… todo, co selo do CRAEGA que certifica a orixe ecolóxica.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...