InicioEconomíaOlalla Rodil denuncia o peche masivo de oficinas bancarias na provincia

Olalla Rodil denuncia o peche masivo de oficinas bancarias na provincia

O Bloque celebrou unha concentración simbólica diante da oficina do BBVA da rúa da Raíña contra os abusos bancarios.

PUBLICADA O

- Advertisement -

O Bloque Nacionalista Galego organizou unha concentración simbólica diante da oficina do BBVA da rúa da Raíña de Lugo denunciando os abusos bancarios, na que se esixiu ao Goberno de Estado como á Xunta de Galiza que apliquen medidas para frear esta dinámica empresarial.

A deputada do BNG por Lugo no Parlamento galego, Olalla Rodil, destacou que o sector financeiro “está a deixar sen acceso á sociedade a un servizo fundamental, no que a través das reducións de horarios para tramitar de forma presencial e a priorización da atención telemática están expulsando a milleiros de persoas”.

No caso da provincia de Lugo, esta reestruturación do sector bancario vense levado con peches de oficinas. Segundo o BNG, pecharon máis de 100 oficinas xa, como por exemplo Samos, Begonte, ou o caso do Deutsche Bank da cidade de Lugo, “a única oficina de toda a provincia”.

Ante estas novas fórmulas de traballo da banca, a deputada destacou que “na anterior crise a banca foi rescatada con diñeiro público, o cal non devolveu nin un só euro, e para máis, agora exclúe a milleiros de persoas e concéntranse para asegurar un maior beneficio” dixo Rodil.

Desde o BNG impulsáronse iniciativas para garantir o dereito a seren atendidos a través das oficinas de xeito presencial e non limitar os dereitos como consumidores e usuarios, ao que Olalla Rodil fixo fincapé en que “temos dereito a ser atendidos por persoas e contar con servizos nas oficinas”

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...