InicioEconomíaHostaleiros da provincia de Lugo confían en que o sector recupere a...

Hostaleiros da provincia de Lugo confían en que o sector recupere a “normalidade” a “finais de ano”

O presidente da Asociación Provincial de Empresarios da Hostalaría de Lugo, Cheché Real, expón que os focos dos casos non se producen nos establecementos do sector.

PUBLICADA O

- Advertisement -

O presidente da Asociación Provincial de Empresarios de Hostalaría de Lugo, Cheché Real, confiou en que o sector recuperará a “normalidade” cara a “finais de ano”. Deste xeito, Real celebrou que “se empeza a ver que se vai camiño de certa normalidade” pese ao brote detectado na Mariña, onde se confirmaron 40 contaxiados por covid-19.

En todo caso, o empresario lucense asegurou que este tipo de focos de casos non se xeran nos establecementos do sector, senón que “veñen de reunións familiares ou doutro tipo”, pero “sempre fóra da hostalaría”. Cheché Real constatou así que “a normalidade parece que está a aterrar” e lembrou que se realizará unha proba piloto para a reapertura do lecer nocturno o 12 de xuño.

“Os establecementos subiron as porcentaxes en utilización tanto dentro como en terraza, queda o das barras, pero entendo que iso se alongará máis por ese medo á posibilidade de xuntar á xente e é mellor que estean en comedores ou en terrazas con mesa”, subliñou.

Así as cousas, o presidente da Asociación Provincial de Empresarios de Hostalaría de Lugo considerou que “se vai camiño dunha certa normalidade”, pero augurou que “ata finais de ano non vai haber unha visibilidade” desa nova situación.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

Non sae adiante a iniciativa parlamentaria do BNG para frear a instalación de Altri en Palas

A comisión 8ª de Pesca e Marisqueo do Parlamento de Galicia rexeitou este martes unha proposición...

Un veciño de Melide sería o autor de varios incendios nunha mesma zona da Serra do Careón

A Garda Civil investiga a un veciño de Melide, de 33 anos de idade, como suposto...