InicioEconomíaO Concello de Lugo licitará este ano máis de 130 contratos por...

O Concello de Lugo licitará este ano máis de 130 contratos por un valor de 68 millóns

A área de Medio Ambiente acapara case a metade deste orzamento en 20 actuacións.

PUBLICADA O

- Advertisement -

O Concello de Lugo licitará este ano un total de 132 contratos e adxudicacións que suporán un importe conxunto que roldará un mínimo de 68 millóns de euros. 

Estas previsións figuran no ‘Plan de Contratación Pública’ aprobado na xunta de goberno local deste mércores, segundo trasladan nun comunicado. Medio ambiente acapararía case a metade deste orzamento en 20 licitacións, e Infraestruturas tería outras 18 actuacións programadas. Doutra banda, destacan Medio Rural e Deportes, con 12, e mesmo as iniciativas enmarcadas na Estratexia Dusi, que suman outra ducia de intervencións.

A edil de Gobernanza, Paula Alvarellos, lembrou que as prioridades establecidas pola rexedora, Lara Méndez, “tal e como ela mesma avanzou en decembro”, sitúan, como primeiro obxectivo, a actualización administrativa de todas as prestacións que están en vigor. “Pero tamén esperamos poder sacar adiante novos contratos que mellorarán a xestión interna da institución como poden ser os destinados á adquisición de máis programas e equipamentos informáticos e materiais, así como a posta en marcha de colaboracións que incrementen a eficiencia da recadación e inspección tributaria, entre outros”.

RÚA NA HONRA DO PÁRROCO SOTO CAMIÑO

Por outra banda, Méndez recibiu este mesmo día o documento con 3.500 firmas recollidas pola Asociación de Veciños de Albeiros para nomear unha rúa do barrio en honra ao párroco Luís Soto Camiño.

Así mesmo, a comisión de tráfico municipal abordou precisamente a reordenación da circulación na contorna do colexio de Albeiros, unha medida que, segundo engade o Goberno local, permitirá incrementar a seguridade do alumnado e das persoas que o acompañan ás entradas e saídas do mesmo.

ÚLTIMAS

Remite o temporal que deixa moita neve, inundacións e estradas cortadas en Lugo

Os efectos do temporal remitiron nas últimas horas en Galicia, cun descenso no volume de precipitacións...

A neve dificulta a circulación en Lugo e os camións non poden circular pola LU-633 en Pedrafita do Cebreiro

A caída de neve dificultou a circulación na provincia de Lugo e, en concreto,...

Desestimada a demanda da irmá dunha muller asasinada por mal funcionamento da Casa da Muller de Lugo

O Xulgado do Contencioso-administrativo número 2 de Lugo desestimou a demanda presentada pola irmá da muller...

O PP de Lugo di que o anuncio da rehabilitación da N-540 dilata tres anos unhas obras que deberían ser urxentes

O PP de Lugo considera insuficiente o anuncio da adxudicación das obras de rehabilitación do firme...