InicioEconomíaA patronal lucense lanza a candidatura de Juan Manuel Vieites para a...

A patronal lucense lanza a candidatura de Juan Manuel Vieites para a CEG

Para os empresarios lucenses, o secretario xeral da Asociación Nacional de Fabricantes de Conservas de Peixes e Mariscos (Anfaco) é un "gran xestor" que defendería os intereses da Mariña no contexto de crise pesqueira.

PUBLICADA O

- Advertisement -

O portavoz da Confederación de Empresarios de Lugo, Jaime López, anunciou que esta organización lanzará o xoves da semana que vén a candidatura do secretario xeral da Asociación Nacional de Fabricantes de Conservas de Peixe (Anfaco), Juan Vieites, para presidir a patronal galega.

López xustificou esta candidatura desde “a reflexión e o sentido común que hai que ter todos”, á vez que apela a que se trata dunha “candidatura de consenso”. Así, Vieites conta co respaldo da patronal de Lugo para facerse coa presidencia da Confederación de Empresarios de Galicia (CEG) nas eleccións programadas para o 21 de xaneiro.

Estes comicios chegan nun contexto de crise e conflito permanente na organización, despois de varias dimisións, a última delas a do ourensán José Manuel Barreiros, quen durou apenas dous días á fronte da CEG a finais do pasado novembro.

“UN GRAN XESTOR”

“É unha persoa que coñecemos desde hai moitos anos, tamén a súa traxectoria. É un gran xestor e cremos que pode ser un punto de inflexión desta situación que vivimos e que non é boa para o empresariado galego”, sostén.

Entre outras cuestións que levaron á CEL a propolo é que “hai elementos da conxuntura económica que afectan, e moitas veces descoñecen esa territorialidade marítima que ten a provincia de Lugo”. “Temos que pensar na nosa frota da Mariña, que son das máis relevantes no Gran Sol e en augas xurisdicionais británicas. E o Brexit está aí”, avisou.

De Vieites enxalzou que é “unha persoa que pode contribuír moito polo seu coñecemento e a súa experiencia” no sector marítimo e pesqueiro, ademais de no resto de sectores produtivos. “É o momento de pensar no que é importante para os nosos empresarios, neste caso no ámbito do mar e a pesca”, subliñou.

Por último, o secretario xeral da CEL subliñou que con esta candidatura pretende “evitar colisións entre o norte e o sur (de Galicia)”, para concluír que xa informou as intencións de “apostar” por Juan Vieites ao porto de Celeiro e a armadores de Burela.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Denuncian unha agresión a unha menor durante unha manifestación en Lugo por levar unha bandeira saharauí

Comunidade Saharauí en Galiza presentou unha denuncia pola agresión sufrida por unha menor saharui durante unha...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...