InicioEconomíaO turismo baixa na provincia un 25% con respecto a 2019, especialmente,...

O turismo baixa na provincia un 25% con respecto a 2019, especialmente, na Mariña

A Mariña pasa dun 90% en xullo de 2019 a un 25% este ano. Tamén baixa en Lugo e na Terra Chá.

PUBLICADA O

- Advertisement -

A Asociación Provincial de Empresarios de Hostelería e Turismo de Lugo (Apehl) fixo públicos os datos de ocupación hoteleira na provincia durante o mes de xullo, na que se alcanzou unha media dun 50,9% de ocupación no conxunto da provincia.

O 25% da ocupación hoteleira da Mariña está moi distante do 85% rexistrado no mesmo mes do ano 2019. Tampouco a cifra no conxunto da provincia é alentadora, pois o 51% de ocupación palidece con respecto ao 75% do mes de xullo do pasado curso.

 

A Ribeira Sacra e a da Montaña foron as áreas da provincia con máis visitantes, cunha media do 75% e do 70% de ocupación, respectivamente. Pola súa banda, Lugo Centro logrou o 42,7% e A Terra Chá roldou o 42%.

Segundo a Apehl, a actual situación sanitaria provocou que o sector hoteleiro xogue cunha gran incerteza, pois “moitos usuarios realizan reservas hoxe e anulan mañá”. Así mesmo, lamentan que o turismo internacional sexa mínimo, dado que se conta cos dedos das mans?.

Por contra, os hoteleiros das zonas de interior e montaña si que notan “un mes de xullo mellor que outros anos”. No relativo ás previsións de ocupación por zonas para o mes de agosto mantéñense actualmente nun 55% para A Mariña, 35% para Lugo centro, 85% para A Montaña, 30% para A Terra Chá e 85% para A Ribeira Sacra.

Deste xeito, agosto converteríase noutro mal mes para a bisbarra, que alcanzou no pasado exercicio unha ocupación neste mesmo período do 91,5%. Tamén sería sensiblemente peor para o conxunto da provincia, que alcanzou o 88% nese intervalo durante o 2019.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...