InicioEconomíaO presidente dos hosteleiros de Lugo: "Moitos compañeiros non van poder remontar"

O presidente dos hosteleiros de Lugo: “Moitos compañeiros non van poder remontar”

Cheché Real lamenta a "tremenda" situación pola que está pasando o sector e di que "toda axuda será pouca".

PUBLICADA O

- Advertisement -

EFE.- O presidente da Asociación Provincial de Empresarios de Hostalería e Turismo de Lugo (APEHL), Cheché Real, lamentou que “moitos compañeiros” do sector veranse obrigados a pechar de forma definitiva os seus negocios cando se levante o estado de alarma decretado polo Goberno de España para tratar de frear a expansión do coronavirus.

“Isto é penoso”, recoñeceu en declaracións a Efe. O difícil, unha vez superada a pandemia, será “a posta en marcha dos establecementos”, engadiu, porque “tal e como está a situación hai moitos compañeiros que non van poder remontar esta situación. Non poderán estar de novo connosco”.

“Tamén vemos a compañeiros que, con bágoas nos ollos, dinnos que nunca pensaron que se terían que ver nunha situación semellante, na obriga de dirixirse aos seus empregados para dicirlles que era imposible que conservasen o seu posto de traballo nestes momentos”. “Nunca”, insistiu, “despois de trinta ou corenta anos, tiveron que dirixir a eles para dicirlles que eran incapaces de facer fronte aos salarios do mes”.

Segundo Real, o que está a suceder no sector “é algo tremendo”. “Empezan a chegar axudas das subministradoras de gas, electricidade e mesmo das entidades bancarias. Veremos, porque seguramente toda axuda será pouca”, lamentou.

En todo caso, lembrou que agora “o máis importante neste momento é a saúde. Coidarse a un mesmo e aos demais. De nada nos valen todas estas cousas se nos enterran cos petos cheos. O primeiro é coidarse e seguir as indicacións das autoridades sanitarias”. EFE

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...