InicioEconomíaTransportistas do carbón de Endesa cortan durante case vinte minutos a autovía...

Transportistas do carbón de Endesa cortan durante case vinte minutos a autovía A-6 en Guitiriz

Os camioneiros reclaman unha transición ecolóxica xusta.

PUBLICADA O

- Advertisement -

Os camioneiros encargados de transportar o carbón desde o porto exterior de Ferrol á central térmica que Endesa ten nas Pontes de García Rodríguez (A Coruña) protagonizaron no mediodía deste xoves, 5 de decembro, unha nova acción de protesta, consistente no corte ao tráfico, durante menos de vinte minutos, da autovía A-6, ao seu paso polo municipio lucense de Guitiriz.

A medida de protesta desenvolveuse entre as 13,22 e 13,41 horas no carril sentido A Coruña-Madrid, tempo durante o que os profesionais da estrada permaneceron sobre a calzada, con varias pancartas, todas elas para reclamar unha transición ecolóxica xusta, e uniformados cos seus habituais chalecos amarelos.

O corte de tráfico, no que participaron unhas 40 persoas, desenvolveuse sen incidentes e xerou una certa retención no lugar. Algúns dos afectados, varios deles camioneiros, mostraron a súa solidariedade con este colectivo que leva sete meses sen traballar e na maioría dos casos con préstamos bancarios para amortizar os seus vehículos pesados.

SEGUNDA MEDIDA NUNHA SEMANA

Esta foi a segunda acción de protesta realizada esta semana, na que tamén manteñen os peches nos concellos das Pontes e Ferrol.

O pasado luns, día 2, colocaron á primeira hora da mañá dúas barricadas, con pneumáticos en chamas, na glorieta que dá acceso ao porto interior de Ferrol, ademais de concentrarse no lugar, depondo a media mañá o seu acto de protesta.

Ao mediodía desta mesma xornada, regresaron a este mesmo lugar, onde se produciu un altercado coa Policía Nacional que finalizou cun camioneiro detido e ferido nun pé. Tras recibir asistencia no Hospital Arquitecto Marcide de Ferrol foi levado a comisaría, onde unha vez lle tomaron declaración, sobre as 19,00 horas, quedou en liberdade. No exterior das dependencias policiais, durante o tempo que estivo detido, agardou o resto de camioneiros.

ÚLTIMAS

Os Andares, un proxecto de inmersión sonora para redescubrir os Ancares

Os Andares, un proxecto artístico-inmersivo sobre a memoria emocional dos territorios, presenta seis viaxes...

Suspendido o xuízo contra un home acusado de ameazar a dúas persoas cunha escopeta

O xuízo oral contra un home acusado dun delito de tenencia ilícita de armas...

A compañía de teatro do Campus de Lugo galardoada na mostra de ‘Teatro Joven’ de Donostia

Deixando a pel da compañía de teatro universitario USC- Lugo obtivo o premio á mellor...

O PPdeG demandará “máximo rigor” na tramitación da planta de biometano de Coeses, en Lugo

O portavoz do Grupo Parlamentario Popular, Alberto Pazos, acompañado dos deputados lucenses Encarna Amigo,...