InicioEconomíaO sector pide "desestacionalizar" o turismo en Lugo

O sector pide “desestacionalizar” o turismo en Lugo

A zona de Lugo con maior número de visitantes neste verán foi a Ribeira Sacra, onde a ocupación hostaleira rozou o 95%.

PUBLICADA O

- Advertisement -

A pesar dos bos resultados de ocupación hostaleira en Lugo durante os meses de verán, o presidente da Asociación Provincial de Empresarios de Hostalaría de Lugo (APEHL), Cheché Real, recoñece que o sector ten aínda por diante unha materia pendente, que consiste en “desestacionalizar” o turismo, para que esas boas cifras se repitan  “na primavera, outono e inverno”.

Real precisou que a ocupación media durante o mes de agosto, que superou o 88%, mantense “na mesma tendencia ascendente dos últimos sete ou oito anos”, pero tamén recoñeceu que “o que fai falta é consolidar ese turismo” en “outras épocas do ano”.

Para iso, recoñeceu que o “rol” da administración públicas, “tanto da Xunta de Galicia, como da Deputación Provincial e dos propios concellos” será fundamental “para seguir promocionando” e dando a coñecer os recursos da provincia de Lugo”, pero tamén o papel doutros colectivos, como o dos clubs deportivos, que tamén “fan un gran labor”.

A zona de Lugo con maior número de visitantes neste verán foi a Ribeira Sacra, onde a ocupación hostaleira rozou o 95%.

Real afirma, en declaracións a EFE, que a Ribeira Sacra “está de moda” e iso débese “aos motivos que todos coñecemos”, polo seu gran patrimonio cultural, histórico, artístico e natural, pero tamén á difusión que conseguiu nos “medios de comunicación”, o que propiciou a chegada de xente importante” e, consecuentemente, maior publicidade.

“Supuxo un impulso grandísimo ao territorio”, dixo Real, quen opina que conseguir a declaración da Ribeira Sacra como Patrimonio da Humanidade sería “un pelotazo tremendo” para a provincia

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...