O sábado 2 e o domingo 3 de xuño terá lugar a sétima edición da Subida á Pontenova, puntuable para o campionato galego de montaña. As verificacións terán lugar o sábado 2 pola mañá e as primeiras quendas da competición comezarán esa mesma tarde.
A subida terá lugar na estrada LU-4803, concretamente entre os quilómetros 0.45 e 5.25 cunha distancia, polo tanto, de 4,8 quilómetros. Serán 6 quendas, 2 de adestramento e 4 oficiais.
Calcúlase a participacións duns 40 pilotos, entre eles cómpre subliñar a Andrés Vilariño, catro veces campión europeo ou o campión de España, e mailo lucense Sergio Vallejo.
O evento está organizado por Escudería Pontenova e patrocinado pola Deputación de Lugo e o Concello da Pontenova. Darío Campos, presidente da Deputación lucense, afirmou que é unha “aposta polo deporte do motor como atractivo turístico que promove e dinamiza a economía”.
