O Club Deportivo Lugo sumou a súa terceira derrota consecutiva ao perder na súa visita ao R.C.D. Mallorca (3-0) na vixésimo sexta xornada de La Liga 1|2|3. Os lucenses contaron no once titular coas novidades de Hernán Menosse, Giorgi Aburjania, Tete Morente e Manu Barreiro.

Os baleares adiantáronse no minuto 7 cun gol de Dani Rodríguez, volante de Betanzos, ao rematar dentro do área un centro de Ante Budimir.

Xa na segunda metade, o Mallorca ampliou a conta co 2-0, tamén obra do galego Dani Rodríguez, ao cabecear un centro de Lago Junior no minuto 68.

Lago Junior, de penalti, pechou o marcador no tempo engadido.

Os lucenses son decimoitavos con 26 puntos, 3 de marxe sobre o descenso.