Vasyl Kravets, lateral esquerdo do Club Deportivo Lugo, foi convocado por vez primeira coa selección absoluta de Ucraína para un amigable contra Italia en Genoa o 13 de outubro e contra a República Checa en partido da UEFA Nations League en Kharkiv o 16 de outubro. O seleccionador é Andriy Shevchenko, ex xogador do AC Milan e Balón de Ouro en 2004.

Pola súa banda, o mediocentro Giorgi Aburjania tamén foi citado pola selección absoluta de Xeorxia para xogar dous encontros da UEFA Nations League: contra Andorra en Tibilisi o 13 de outubro e tres días despois visitando a Letonia en Riga.

Ámbolos dous xogadores viaxarán ás súas respectivas convocatorias tralo partido de mañá en Elche.