Club Deportivo Lugo B é novo equipo de Terceira División despois de gañar 1-2 en Outeiro de Rei na penúltima xornada de Preferente Norte. Os xogadores adestrados por José Durán impuxéronse con goles de Javi Rey no minuto 4 e Fernando Cuadrado no minuto 89. Trigo empatara para a S.D. Outeiro de Rei no minuto 53.

Agora mesmo, os albivermellos son colíderes con 78 puntos, os mesmos que a U.D. Paiosaco, que hoxe certificou tamén o ascenso a Terceira ao vencer 1-3 en Castro.

O filial albivermello, creado en 2015, ascendeu a Preferente en 2016 e agora a Terceira en 2018.

Na derradeira xornada, o filial lucense recibirá á Agrupación Estudiantil F.C. en Lugo.

Foto das canles oficiais de Club Deportivo Lugo