InicioDeportesO Breogán vence a Shenzhen Leopards (87-77) no estreo de Lucio Redivo...

O Breogán vence a Shenzhen Leopards (87-77) no estreo de Lucio Redivo e Tarence Kinsey

Lucio Redivo, que foi baixa nos dous primeiros partidos amigables, competiu con normalidad e aportou 11 puntos xogando coa súa electricidade habitual

PUBLICADA O

- Advertisement -

O Club Baloncesto Breogán gañou ao equipo chinés Shenzhen Leopards (87-77) no terceiro partido amigable nesta pretempada.

Despois dun inicio irregular (0-8), o Breogán mellorou e foi igualando o encontro. O equipo lucense contou de inicio co escolta Lucio Redivo, baixa nos dous primeiros amigables, e Tarence Kinsey, recente fichaxe. Redivo aportou electricidade e 11 puntos ao longo do partido, mentres Kinsey estivo máis desacertado.

O Breogán, desacertado no tiro exterior, foi aumentando a anotación co seu xogo na pintura, con momentos de inspiración como a espectacularidade do aleiro Romaric Belemene e xogadas invididuais do tamén aleiro Johan Lofberg, que rematou con 20 puntos.

No terceiro cuarto, a velocidade, en ocasións excesivamente individualista, de Lucio Redivo foi decisiva para ir definindo o partido cara os interes lucenses cunha máxima vantaxe de 15 puntos (51-36). No treito final, amago de reacción dos Leopards, que tiveron no ala-pívot Jared Sullinger, ex NBA (2012-2017), ao seu mellor xogador con 21 puntos.

Ademáis do ala-pívot Kyle Rowley e o pívot Felipe dos Anjos, o Breogán contou co escolta Patrick Prince e o pívot Mor Niang, do Ciudad de Ponferrada e o Estudiantes de Lugo, respectivamente, para completar a rotación despois de acordos cos dous clubes.

O equipo contou coas baixas do base Ricardo Úriz, o escolta Salva Arco e os pívots Alec Brown e Henk Norel por lesión, así como os pívots Emir Sulejmanovic e Volodymyr Gerun por convocatorias coas súas respectivas seleccións.

Mañá, o Breogán enfrontarase a Bàsquet Manresa no Circuito Movistar de Oviedo a partir das 21 horas no Palacio de los Deportes ovetense.

 

+ posts

ÚLTIMAS

A residencia das Gándaras, en Lugo, supera os 9 millóns de investimento: máis habitacións individuais e melloras na seguridade

O Goberno galego deu luz verde este luns ao expediente de gasto da modificación...

Dous anos de prisión e multa de 2.195 euros por tentar introducir cocaína e haxix no cárcere de Bonxe

Unha moza acusada de tratar de introducir cocaína e haxix no centro penitenciario de...

Detidas dúas persoas en Lugo por cometer furtos en establecementos comerciais

Axentes da Policía Nacional de Lugo detiveron a un home e a unha muller...

OPINIÓN: Os que quedaron: memoria, ausencia e emigración no Día de Defuntos

Cada comezo de novembro, os cemiterios galegos énchense de flores, de visitas e de...