InicioDeportesJavi López adianta a titularidade de Miguel Vieira mañá en Copa do...

Javi López adianta a titularidade de Miguel Vieira mañá en Copa do Rei

O primeiro adestrador albivermello confirmou tamén que Ramón Azeez "xogará" mañá xoves contra o Albacete Balompié en segunda rolda copeira no estadio Carlos Belmonte da cidade manchega a partir das 20 horas

PUBLICADA O

- Advertisement -

Javi López, primeiro adestrador de Club Deportivo Lugo, adiantou a titularidade do central portugués Miguel Vieira no partido de segunda rolda de Copa do Rei mañá contra o Albacete Balompié no estadio Carlos Belmonte a partir das 20 horas. Tamén anunciou que Ramón Azeez “xogará”. Explicou que Vieira “leva tempo con molestias na cadeira e no aductor”, mais xa “está en condicións” e “vai ser un xogador da partida, vai xogar de inicio”.

López reflexionou que o Albacete é “un rival que comezou moi ben a competición, alternou o 4-3-3 co 4-2-3-1, é un rival ben estruturado”, así como “defende ben e ofensivamente tamén traballa moi ben”.

O técnico albivermello subliñou que os lucenses deben “mellorar no plano ofensivo”.

“Comenteille aos xogadores que ás veces da a sensación que o Lugo non pode ter un partido cunha porcentaxe menor do 70 % de posesión, xogando en campo contrario e tamén temos que saber xogar o outro partido”, afirmou.

Juan Carlos Martín, Serge Leuko, Bernardo Cruz, Vasyl Kravets, Carlos Pita, Fernando Seoane, Antonio Campillo, Iriome González, Cristian Herrera e Jona Mejían non entraron na convocatoria, onde a principal novidade é o lateral dereito Eduard Campabadal, lesionado dende o pasado decembro, así como o porteiro canteirán Pablo Cacharrón, o citado central Miguel Vieira, o central ou mediocentro do filial Gustavo Quezada, o comentado mediocentro Ramón Azeez, o extremo diestro do filial Rayco Rodríguez, o extremo diestro Guille Donoso e mailo mediapunta ou extremo zurdo Juan Muñiz.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...