O Club Deportivo Lugo visitará o estadio Wanda Metropolitano o luns 10 de setembro a partir das 20 horas en partido da cuarta xornada de La Liga 1|2|3 ante o C.F. Rayo Majadahonda, segundo confirmou La Liga. O encontro será televisado por LaLiga123TV.
O Wanda Metropolitano é o estadio onde o Club Atlético de Madrid xoga como local e será a sede da final da Champions League en 2019.
O Rayo Majadahonda xogará por vez primeira na súa historia en Segunda División e nas súas filas destaca o ex central do Club Deportivo Lugo Jorge García Torre. Os madrileños competirán no Wanda Metropolitano os primeiros meses de competición por obras no Cerro del Espino, o seu estadio habitual.
Ademáis, o Lugo recibirá ao Real Oviedo na quinta xornada de liga o domingo 16 de setembro dende as 16 horas.
Por outra banda, La Liga confirmou que o Club Deportivo Lugo visitará ao Albacete Balompié no estadio Carlos Belmonte na segunda rolda da Copa do Rei o xoves 13 de setembro a partir das 20 horas en partido televisado por beIN Sports.
