EFE | O CD Lugo confirmou este venres un positivo en Covid-19 no cadro de xogadores e que permanece illado..

Pouco despois de que o adestrador, Luís César Sampedro, asegurase que tiña a todos os xogadores dispoñibles, o Lugo confirmou o contaxio dun dos futbolistas. O afectado fora contacto estreito dun contaxiado e por iso o club puxo en marcha o protocolo de LaLiga, illou ao xogador e confirmou o positivo con PCR.

O xogador que deu positivo está a cumprir corentena, atópase ben e, en cumprimento da normativa, está sen contacto algún co resto de integrantes do equipo, segundo explicou o club galego.

O Lugo realizou un cribado con test PCR ao resto do persoal por iniciativa propia para reforzar as esixencias en materia de actuación do protocolo de competición e adestramentos disposto por LaLiga. EFE