Pablo Villar e Iago Folgueira, xogadores do Club Voleibol Emevé Lugo, forman parte da convocatoria da selección española sub 18 para o Torneo Internacional WEVZA en Bélxica do 23 ao 29 de xullo, un título no que competirán Francia, Portugal, Alemaña, Italia, Suiza, Holanda e Bélxica. Os adestramentos previos teñen lugar en Palencia.

Segundo o C.V. Emevé, é “todo un orgullo” esta citación internacional para que sigan “medrando” no seu eido.